Ավստրալիայում տասնյակ մարդիկ են տուժել առևտրի կենտրոնում նվերներ բաժանելիս


23:21 , 24 դեկտեմբեր, 2019

Ավստրալիայում գրեթե 20 մարդ է տուժել Սիդնեյի առեւտրի կենտրոններից մեկում նվերների նախատոնական բաժանման ժամանակ սկսված հրմշտոցից: Այդ մասին հայտնել է 9News հեռուստաալիքը:

Միջադեպը տեղի է ունեցել դեկտեմբերի լույս 24-ի գիշերը Westfield Parramatta առեւտրի կենտրոնում: Հրմշտոցն սկսվել է այն բանից հետո, երբ շենքի առաստաղից սկսել են իջնել օդապարիկներ, որոնց ներսում ընծայական քարտեր եւ այլ նվերներ են եղել:

ABC հեռուստաալիքի տվյալներով՝ միջոցառմանը հավաքվել էր մի քանի հարյուր մարդ: Խաղարկության սկսվելուց հետո մարդիկ սուրացել են նվերների հետեւից՝ գետին տապալելով միմյանց: Ստացած վնավածքների պատճառով հինգ հոգու ուղարկել են հիվանդանոց, եւս 12-ին օգնություն են ցույց տվել տեղում:

«Դա ինչ-որ խելագարություն է»,- հայտարարել է առեւտրի կենտրոնի այցելուներից մեկը: «Վիթխարի ամբոխ, երիտասարդներ եւ տարեցներ: Կարծում եմ դրանցում ոչ մեծ գումարի շնորհագրեր էին: Հնարավոր է 5 կամ 10 դոլար»,- հավելել է նա, հաղորդել է ՌԻԱ Նովոստին: