Ջոն Լենոնի լեգենդար ակնոցը վաճառվել է աճուրդում

Ջոն Լենոնի լեգենդար կլոր ակնոցը Sotheby’s-ի աճուրդում վաճառվել է 183 հազար դոլարով:

Լոտի նկարագրության մեջ ասվում է, որ Լենոնը այս ակնոցը ստացել էր Ռիչարդ Լեսթերի «Ինչպես ես հաղթեցի պատերազմը» ֆիլմում իր դերի համար, սակայն շուտով այդ աքսեսուարը դարձել է նրա կերպարի մի մասը:

Ակնոցը վաճառքի է հանել The Beatles-ի հարվածող Ռինգո Սթարի վարորդը՝ Ալան Հերինգը:

Ակնոցը Հերինգի մոտ է հայտնվել, երբ երաժիշտը այն թողել է մեքենայում և չի ցանկացել հետ վերցնել, քանի որ ապակիներից մեկը դուրս եկած է լինում:

Նոր գնորդի անունը անհայտ է: