«Դժբախտ է այն մարդը, որն այլևս ոչինչ չունի կորցնելու». Սիլվա Կապուտիկյանի անմահ 10 մտքերը, որ սրտին հանգստություն կբերեն

Սիլվա Կապուտիկյան՝ հանճարեղ հայուհի, ում տողերով են մխիթարվում մինչև օրս բազմաթիվ գրականասերներ։ Առաջարկում ենք ծանոթանալ հայուհու 10 ամենատպավորիչ մտքերին, որոնք սրտին ու հոգուն հանգստություն կբերեն։ 

1. Դժբախտ է այն մարդը, որն այլևս ոչինչ չունի կորցնելու։ 

2. Ազնիվ մարդը չի գնում հարմարության, վախենում է արդար ապրելու երջանկությունը կորցնելուց։ 

3. Կյանքի բոլոր տարիներն էլ հավասար սիրելի են, քանի որ կյանքն ինքն է սիրելի։ 

4. Սակայն իմացիր, երբեք ես չեմ գա քեզ մոտ դիմակով. կգամ, ինչպես կամ, սիրիր, ինչպես կամ։ 

5. Մեր պանթեոնը փոքր է ու տխուր, իրար հավաքած մի քանի շիրիմ. օ՜, մեծ մահերով հարուստ ժողովուրդ, ո՞ւր են քո որդոց շիրիմները հին:

6. Թե ես չեմ սիրում, չեմ սիրում քեզ,
Ինչու է ձմեռն այսքան գարուն,
Ձմռան արևը այսքան այրում,
Անխոս երկինքը՝ այսքան անհուն,
Եթե ես չեմ սիրում, չեմ սիրում քեզ:

7. Թափառում ենք փողոցներում
Ես քո սիրով, դու՝ ուրիշի,
Այրվում ենք մենք հրդեհներում՝
Ես՝ քո հրով դու՝ ուրիշի:

8. Մի´ մռայլվիր, ի´մ սիրելի,
Թե հոգնել ես, էլ մի´ մնա.
Թե գերում են քեզ աշխարհի հեռուները,
Այնտե´ղ մնա:

9. Մի լացացնի, շատ եմ լացել, սիրելիս,
Դու մի կարծիր՝ պաղ եմ այսպես ու գոռոզ,
Սիրտս շատ է լցված եղել վերքերով,
Սպիներից է կարծրացել, սիրելիս:

10. Արդեն գիշեր է, ուշ գիշեր փողոցներում,
Ու դու չեկար. սիրտս փողոց է ամայի
Միայն հեռվից լռությունն են կտցահարում
Ոտնաձայները ուշացած անցորդների...