Իտալիայի պատկերասրահներից մեկի պատի մեջ հայտնաբերվել է Կլիմտի «Կնոջ դիմանկարը» կտավը
06:44 , 12 դեկտեմբեր, 2019Ավստրիացի նկարիչ Գուստավ Կլիմտի «Կնոջ դիմանկարը» կտավը, որը 1997 թվականից գողացված էր համարվում, Պյաչենցայի Ռիչչի Օդդիի ժամանակակից արվեստի պատկերասրահի պատերից մեկի մեջ հայտնաբերել են աշխատակիցները:
Ըստ «ՌԻԱ Նովոստի»-ի՝ այս մասին հայտնել են տեղի ոստիկանությունից:
Ոստիկանության ներկայացուցչի խոսքերով, կտավը հայտնաբերվել է սև պարկի մեջ, պատկերասրահի ներքին պատերի մեջտեղում:
Այժմ կտավը հանձնված է փորձաքննության, որպեսզի պարզեն, արդյոք խոսքը բնօրինակի մասին է:
«Կնոջ դիմանկարը» կտավը ներառված է ամենաորոնվող համաշխարհային արվեստի գործերի ցուցակում: