Armsport.am-ը գրում է.
Ըմբշամարտի Հայաստանի հավաքականի գլխավոր մարզիչ Էդուարդ Սահակյանը լրագրողների հետ զրույցում խոսել է Հայաստանի առաջնության, Եվրոպայի առաջիկա առաջնության, ինչպես նաև Տոկիո-2020-ի մասին:
«Յուրաքանչյուր քաշում կար պայքար, ու դա գեղեցկացրեց մեր առաջնությունը: Ինչ վերաբերում է հետագա անելիքներին, ապա ունենք հավաքներ: Չեմ ցանկանում առանձնացնել որևէ ըմբիշի, միայն հավաքներից հետո կհայտարարենք Եվրոպայի առաջնություն մեկնող հավաքականի կազմը:
Պետք է գտնենք մեր խոցելի տեղերն ու կարողանանք բարձր մակարդակով մասնակցել Եվրոպայի առաջնությանը: Ունենք խնդիրներ դիմացկունության, պարտերի հետ կապված: Եթե կարողանանք այդ ամենը բերել նորմալ վիճակի, Եվրոպայի առաջնությունում լավ տեսք կունենանք»,- ասել է մարզիչը:
Խոսելով Արթուր Ալեքսանյանի, Կարապետ Չալյանի ու Արսեն Ջուլֆալակյանի` առաջնությանը չմասնակցելու մասին`Էդուարդ Սահակյանը նշել է.
«Նրանք ազատված էին մրցումներից: Դա մեր մարզական ստրատեգիան էր: Ոչ մի վնասվածք չկար: Միայն Արթուրի մոտ կողոսկրի ցավեր կային, մինչև Եվրոպայի առաջնություն նա ապաքինված կլինի:
Ամբողջական հոդվածը կարող եք կարդալ այստեղ