Այս ցեղում մայրերն իրենց երեխաներին նետում են գետը՝ կոկորդիլոսների բաժին դարձնելով. ինչո՞ւ են նրանք այդքան դաժան վարվում


16:30 , 29 նոյեմբեր, 2019

Աֆրիկյան բանո ցեղում կա սարսափելի մի ավանդույթ. այստեղ երեխաներին կարող են նետել գետն ու կոկորդիլոսների բաժին դարձնել, ու սա տարիներ շարունակ գործում է ցեղի ավանդույթներում. ինչո՞ւ են նրանք այդքան դաժան վարվում սեփական երեխաների հետ։ 

Այս ցեղում հավատում են, որ կան երեխաներ, որոնք անիծված են։ Այսպիսի երեխաներին նրանք անվանում են «մինգի»։ Մինգիներն այն երեխաներն են, որոնք իրավունք չունեն ապրելու, քանի որ եթե նրանք ապրեն, ապա կարող են անեծքի մատնել ամբողջ ցեղը. ցեղը կարող է սովի մատնվել, համաճարակի կամ մեկ այլ աղետի։ Դա է պատճառը, որ նրանցից պետք է, որքան հնարավոր է, արագ ազատվել։ 

Բայց ինչպե՞ս որոշել՝ որ երեխաներն են անիծված, իսկ ովքեր՝ ոչ։ Պարզվում է՝ ցեղում կա երկար ցուցակ, թե որ երեխաներն են համարվում մինգի, ու ովքեր պետք է արժանանան այդ դաժան ճակատագրին։ 

Չնայած Եթովպիայի կառավարությունը խստորեն արգելել է երբևէ այդպես վարվել երեխաների հետ, ցեղն իր դաժան ավանդույթները շարունակում է։ Ավելին՝ ամենադաժանն այն է, որ մայրերն անգամ չեն էլ փորձում պայքարել այս խայտառակ ապրելակերպի դեմ, քանի որ նրանք էլ են վստահ, որ այդպես ճիշտ է։

Նրանք համարում են, որ եթե զոհ գնան մայրական բնազդներին ու պահեն երեխաներին կամ թաքցնեն նրանց, ապա իրենց գլխին մեծ աղետ կգա։ Նրանք պետք է հրաժարվեն երեխաներից հանուն մարդկության խաղաղ ապրելակերպի։ Ու այս կարծրատիպը ոչ ոք ու ոչ մի կերպ չի կարողանում վերացնել։ 

Վերջերս երեխաների պաշտպանության հայտնի կազմակերպություններից մեկը փորձել էր համոզել մայրերին երեխաներին սպանելու փոխարեն նրանց հանձնել մանկատներին, սակայն մայրերն այդպես էլ չեն համաձայնվել. նրանք վստահ են, որ անգամ հեռավորության վրա անիծված երեխան դժբախտություն կբերի ու կդատապարտի բոլորին աղետների։