Մայքլ Բլումբերգը 23 մլն դոլար է հատկացրել ԱՄՆ նախագահական ընտրություններից առաջ գովազդային արշավի համար
22:00 , 23 նոյեմբեր, 2019Ամերիկացի ձեռներեց և Նյու Յորքի նախկին քաղաքապետ Մայքլ Բլումբերգը կմասնակցի 2020-ի ԱՄՆ նախագահական ընտրություններին, հաղորդում է CNBC-ն։
Նշվում է, որ գործարարը պատրաստվում է մասնակցել Դեմոկրատական կուսակցությունից։
Ձեռներեցի թիմը 23 մլն դոլար է հատկացրել հեռուստատեսության գովազդի համար։ Սակայն ԶԼՄ-ների տվյալներով այդ թիվը կարող է նաև վերջնական չլինել և գերազանցել նախկին նախագահ Բարաք Օբամայի ռեկորդը (24 մլն դոլար)։