Գրետա Թունբերգը ստացավ Երեխաների խաղաղության մրցանակը
17:15 , 21 նոյեմբեր, 2019Նոյեմբերի 20-ին Հաագայում տեղի է ունեցել Երեխաների խաղաղության միջազգային մրցանակի հանձնման արարողությունը, հայտնում է ՏԱՍՍ-ը:
Նշվում է, որ մրցույթի պատմության մեջ առաջին անգամ դափնեկիրներ են դարձել միանգամից երկու դեռահասներ՝ շվեդ էկո-ակտիվիստ Գրետա Թունբերգը և կամերունցի իրավապաշտպան Դիվինա Մալումը:
Թունբերգը չի կարողացել անձամբ ներկա գտնվել արարողությանը, քանի որ ներկայումս Ատլանտյան օվկիանոսով ուղևորվում է Իսպանիա՝ ՄԱԿ-ի կլիմայի հարցով խորհրդաժողովին մասնակցելու համար:
Մալումը մրցանակը նվիրել է պատերազմական դաժան հանցագործություններից տառապող երեխաներին: