Հնդկաստանի Ասամ նահանգում մահացել է բեն Լադեն մականունով փղը, որը մեղավոր է 5 մարդու մահվան մեջ: Այս մասին հաղորդել է NDTV տեղական տեղեկատվական պորտալը:
35-ամյա փիղը մահացել է նոյեմբերի 17-ին: Կենդանուն վեց օր առաջ բռնել էին մարդկանց վրա հարձակումներից հետո: Նոյեմբերի 12-ին նրան տեղավորել են «Օրանժ» ազգային պարկում, որտեղ էլ նա մահացել է:
Տեղացիները կենդանուն անվանել էին բեն Լադեն՝ ի պատիվ նախկին «թիվ մեկ ահաբեկիչ» Ուսամա բեն Լադենի: Փղին արգելոց տեղափոխելուց հետո նրան նոր մականուն էին տվել՝ Կրիշնա:
Նահանգի իշխանությունները մի խումբ անասնաբույժներ են ուղարկել «Օրանժ» պարկ՝ դիահերձման համար: Նրանք կպարզեն փղի մահվան ճշգրիտ պատճառը: