Լեհաստանի պատերազմի թանգարանի աշխատակիցները նացիստական Գերմանիայի առաջնորդ Ադոլֆ Հիտլերի գաղտնի ռազմակայանում հայտնաբերել են «Գայլի որջ» անվանումով պարտեզի մնացորդները, որտեղ աճող բանջարեղենից էր օգտվում նաև նացիստական առաջնորդը, հայտնում է Fox News հեռուստաալիքի կայքը:
Ըստ հեռուստաալիքի`հնագետները գտել են պարտիզպանի տունը, ջերմոցները, ստորգետնյա կաթսայատունը, ինչպես նաև այդ ժամանակի շատ կերամիկական և ապակյա առարկաներ:
Նշվում է, որ, թունավորվելուց վախենալով, Հիտլերը համի որակը որոշողներին նախապես ստիպում էր փորձել ջերմոցում աճեցված բանջարեղենն ու դեղաբույսերը:
«Գայլի որջ»-ը Հիտլերի գլխավոր ռազմակայանն էր և տեղակայված էր Ռաստենբուրգ քաղաքում (այժմ՝ Կետցին), Արևելյան Պրուսիային պատկանող տարածքում: 1944-ին շտաբի վրա հարձակման անհաջող փորձ էր արվել: Այժմ «որջը» թանգարանային համալիր է համարվում: