«Կապիտալը Հայաստանից գնում է, եկել է 310 մլն դոլար, գնացել է 295 մլն դոլար». Միքայել Մելքումյան
16:56 , 13 նոյեմբեր, 2019168.am-ը գրում է.
ԱԺ «Բարգավաճ Հայաստան» խմբակցության պատգամավոր Միքայել Մելքումյանն այսօրվա ասուլիսում հայտարարեց, որ ԲՀԿ-ն դեմ է քվեարկելու պետական բյուջեի նախագծին, քանի որ այդ նախագծով հնարավոր չէ իրականացնել տնտեսական հեղափոխություն:
«Օտարերկրյա ներդրումներն այս տարի տնտեսության իրական հատվածում եղել է ընդամենը 15 միլիոն դրամ, այսինքն՝ կապիտալը Հայաստանից գնում է, եկել է 310 մլն դոլար, գնացել է 295 մլն դոլար: Իսկ երբ հարց ենք տալիս համապատասխան կառույցի ղեկավարին, ասում է՝ դե, իրենց փողերը տանում են»,- նշեց Միքայել Մելքումյանը: