Արցախի նախագահի բոլոր թեկնածուների հետ ջերմ հարաբերություններ ունեմ և պատրաստ եմ համագործակցել բոլորի հետ. Արայիկ Հարությունյան

Tert.am-ը գրում է.

Արցախի «Ազատ Հայրենիք» կուսակցության նախագահ, Արցախի նախագահական ընտրություններին մասնակցելու հայտ ներկայացրած Արայիկ Հարությունն այսօր Ստեփանակերտում կուսակցության համագումարից հետո հրավիրված մամուլի ասուլիսի ժամանակ հայտարարեց, որ նախագահի բոլոր թեկնածուների հետ ջերմ հարաբերություններ ունի և պատրաստ է համագործակցել բոլորի հետ։

«Բոլորի հետ ունեմ ջերմ հարաբերություններ: Պատրաստ եմ բոլորի հետ անկախ ընտրությունների արդյունքներից՝ համագործակցել: Իհարկե, սկզբունքայնության խնդիր չկա և մեր հիմնական առանցքը պետք է լինի Արցախը: Այդ համագործակցությունը միայն կոալիցիայով, խորհրդարանում կամ կառավարությունում պայմանավորվածություններով չպետք է լինի, այլ համատեղ աշխատելու, ընդհուպ մինչև խորհրդարանում ընդդիմադիր ուժերի հետ: Բաց ենք բոլոր ուժերի հետ համագործակցելու»,- ասաց նա:

Tert.am-ի հարցին ի պատասխան, թե ում նկատի ուներ, երբ համագումարի ժամանակ նշում էր, որ ի հեճուկս դավադիր տրամադրություններ ունեցողների՝ Հայաստանն ու Արցախն այսօր ավելի քան միասնական են, Արայիկ Հարությունյանն ասաց, թե բոլոր այն ուժերը, որոնք այսօր կասկածի տակ են դնում Հայաստանի իշխանությունների քայլերը՝ կապված ղարաբաղյան խնդրի հետ՝ համարելով դրանք պարտվողական, դավադիր ուժեր են:

Ամբողջական հոդվածը կարող եք կարդալ այստեղ