Բորդո քաղաքում ֆրանսիացի գինեվաճառը գողերին զոհ է դարձել, որոնք նրա մառանից շուրջ 500 հազար եվրոյի հազվագյուտ գինիներ են տարել։ Այս մասին հաղորդում է France Bleu ռադիոկայանը։
Տեղեկության համաձայն՝ չարագործները կոտրել են նրա տան տակ գտնվող մառանի պատուհանը և դուրս տարել ամենաարժեքավոր գինիներով շուրջ 100 արկղ։ Սեփականատիրոջ խոսքով՝ գողացված ամենահին գինիները մի քանի տասնյակ տարեկան են։
Քննիչները փորձում են վերականգնել կատարվածի պատկերը, սակայն դեռևս վկաներ չեն գտնվել։