Գերմանիայում վստահ են, որ Մխիթարյանը համաձայնության է եկել «Բորուսիա»-ի հետ

1in.am-ը գրում է.

Դոնեցկի «Շախտյոր»-ի և Հայաստանի հավաքականի կիսապաշտպան Հենրիխ Մխիթարյանը կշարունակի կարիերան Դորտմունդի «Բորուսիա»-ում: Այդ մասին հայտնում է Bild-ը:

Տեղեկությունների համաձայն` Մխիթարյանն արդեն համաձայնության է հասել Դորտմունդի ակումբի ղեկավարների հետ:

«Գումարի օգնությամբ մենք կարող ենք արագ լուծում տալ բոլոր հարցերին: Սակայն ցանկանում ենք խելամիտ գործել»,- հայտարարել է «Բորուսիա»-ի գործադիր տնօրեն Հանս Յոահիմ Վացկեն:

Հիշեցնենք` ավելի վաղ լուրեր էին շրջանառվում, որ «Բորուսիա»-ն 23 մլն եվրո է առաջարկում Մխիթարյանի տրանսֆերի դիմաց, սակայն ուկրաինական ակումբի ղեկավարները 30 մլն են պահանջում: