Գիտնականները ցույց են տվել, թե ինչ տեսք է ունեցել 300 տարի առաջ ապրած ու խարույկի դատապարտված վհուկ կինը. նրա արտաքինը զարմացնող է (Photo)

«Վհուկների որսը» միջնադարով չավարտվեց, ու շատ երկրներում շարունակում էին դաժանորեն պատժել վհուկներին նույնիսկ 18-րդ և 19-րդ դարերում։ Ահա այդպիսի մի «վհուկ» էր նաև Լիլաս Էդին՝ շոտլանդացի կին, ով մեղադրվեց վհուկության մեջ ու դաժանորեն դատապարտվեց մահվան՝ խարույկ բարձրացվելու ակնկալիքով։ 

Լիլիասն ապրում էր 18-րդ դարի սկզբին՝ Շոտլանդիայի Տորիբեռն քաղաքում։ 1704 թ.-ին Լիլիասին հրապարակայնորեն մեղադրեցին վհուկության մեջ։ Նրան ձերբակալեցին ու սկսեցին հարցաքննել՝ դաժանորեն կտտանքների ենթարկելով, որպեսզի նա պատմի ու խոստովանի իր կապը «մութ ուժերի» հետ։ Տեսնելով, որ կինը համառորեն չի խոստովանում իր մեղքը, նրան մահվան դատապարտեցին՝ այրելով խարույկի վրա։ 

Ենթադրվում է, որ Լիլիասի վհուկ լինելու լուրը տարածել էին նախանձող մարդիկ, ովքեր ուզում էին ամեն կերպ ազատվել նրանից։ Առհասարակ, միջնադարյան շրջանում և 18-19-րդ դարերում ևս յուրաքանչյուրին կարող էին ուղղակի մեղադրել վհուկության մեջ ու այդ մարդը գիտակցեր, որ ինքը շուտով մահապատժի է ենթարկվելու։ Խնդիրն այն էր, որ մարդիկ այնքան էին վախենում վհուկներից, որ անգամ մեղադրվողներին չէին տալիս պաշտպանվելու կամ մեղքից ձերբազատվելու հնարավորություն։ Արդյունքում շատ-շատերն ուղղակի այրվում էին խարույկի վրա՝ չնայած իրենց ակնհայտ անմեղությանը, և դա արվում էր նախանձողների թեթև ձեռքով։ 

Սակայն Լիլիասը չսպասեց մինչև իր մահվան ու խարույկ բարձրացվելու օրվան, նա ինքնասպան եղավ։ Լիլիասին ուղղակի թաղեցին ու գերեզմանին հաստափոր քար դրեցին, որպեսզի նա չկարողանա այն աշխարհից ևս զբաղվել սև մոգությամբ։ Լիլիասի թաղվելուց 100 տարի անց նրա ոսկորների մնացորդները հանձնվեցին Շոտլանդիայի թանգարաններից մեկին։ Այստեղ գիտնականները  Լիլիասի գանգն ու մնացած ոսկորներն լուսանկարեցին ու որոշեցին պահել արխիվում։ 

Որոշումը ճիշտ էր, քանի որ մի որոշ ժամանակ անց «վհուկի» ոսկորները կորան ու չհասան մեր օրեր։ Սակայն սա չխանգարեց գիտնականներին զբաղվել Լիլիասի արտաքին տեսքի վերականգնմամբ։ Նրա արտաքինը վերականգնվեց երկարաժամկետ աշխատանքներից հետո՝ հիմնվելով գանգի ու այլ ոսկորների լուսանկարների վրա։ 

Գիտնականները չէին սպասում, որ ի վերջո նրանք կստանան մի ծեր կնոջ պատկեր, ում արտաքինից արդեն պարզ է, որ նա հերթական զոհն է, ով ուղղակի մեղադրվել է չարված հանցագործության մեջ ու հասցվել մահվան։ Պարզ էր նաև, որ Լիլիասի շրջապատում ապրող նախանձախնդիրներն ուղղակի ուզում էին օր առաջ ազատվեց նրանից, քանի որ տեղեկությունը, որ Լիլիասը բավականին լավ տիրապետում էր բուսաբուժությանը, հաստատվեց։