Բրիտանացին 2 դոլարով երկաթորսիչ է գնել և շուրջ 4 միլիոն դոլար արժողությամբ ոսկյա իրեր գտել (Photo)

Բրիտանացի Թերի Հերբերտը 2.5 դոլարով երկաթորսիչ է գնել և սկսել թափառել Ֆրեդ Ջոնսոնի հողատարածքում։ Տղամարդու բախտը միանգամից բերել է. նա հայտնաբերել է անգլոսաքսոնական 6000 ոսկյա արտեֆակտներ, որոնք թվագրվում են 600-650 թվականներին։ Մասնագետները կարծում են, որ գանձերը գրավել է Մերսիա թագավորության բանակը հարևան Նորտումրիայի և Արևմտյան Անգլիայի հետ պատերազմի ժամանակ։

Հերբերտն արդեն վաճառել է իր գտածոն թանգարաններին, որի համար ստացել է 3.285 միլիոն ֆունտ կամ մոտ 4.2 միլիոն դոլար և գումարը կիսել է Ջոնսոնի հետ։