«Ձայնս ինձ ի վերուստ է տրված, այն իմ ինքնության մասն է». Շակիրան հայտնել է, որ ձայնի ժամանակավոր կորուստն իր կյանքի «ամենածանր պահերից» էր

Կոլումբացի երգչուհի Շակիրան հայտնել է, որ երկու տարի առաջ ձայնի ժամանակվոր կորուստն իր կյանքի ամենածանր պահն էր, գրում է MSN-ն:

2017 թվականին «Գրեմիի» մրցանակակիրը ստիպված էր յոթ ամսով հետաձգել իր «El Dorado World Tour» համերհային շրջագայությունը՝ աջ ձայնալարի արյունազեղման պատճառով:

«Այդ դեպքը մեծ ազդեցություն ունեցավ ինձ վրա: Իմ կայնքում կա առաջ և հետո», - խոստովանել է 42-ամյա երգչուհին The Associated Press-ին տված հարցազրույցում:

«Մենք շատ բաներ կյանքում չենք արժևորում: Ձայնս ինձ ի վերուստ է տրված, այն իմ ինքնության բաղկացուցիչ մասն է», - ասել է երգչուհին և ընդգծել, - «Գալիս է մի օր, երբ կորցնում ես երիտասարդությունդ, գեղեցկությունդ, նույնիսկ ընկերներիդ, բայց երբևէ չէի մտածի, որ ձայնս նույնպես կարող եմ կորցնել»:

Շակիրայի խոսքով՝ իր կրկին երգելու հավանականությունը հստակ չէր, սակայն երգչուհու ձայնն առանց վիրահատության «հրաշքով» վերկանգնվել է, որից հետո 2018 թվականին նա կարողացել է իրականացնել իր համերգային շրջագայությունը:

Ինչպես հայտնի է ամերիկյան սուպերգավաթի ամենամասշտաբային շոու-միջոցառմանը գալիք տարի ելույթ կունենան հանրահայտ երգչուհիներ Ջենիֆեր Լոպեսը և Շակիրան: Համերգն աշխարհում խոշորագույններից մեկն է. նախորդ տարի այն դիտել է ավելի քան 98 մլն մարդ։

Ֆուտբոլի ազգային լիգայի (NFL) հայտարարության մեջ ասվում է, որ երգչուհիները հանդես կգան փետրվարի 2-ին՝ Մայամիի Hard Rock մարզադաշտում:

«Չափազանց ոգևորված եմ սուպերգավաթի բեմում հանդես գալու կապակցությամբ»,-Twitter-ում գրել էր Շակիրան։ Նա այդ հնարավորությունն անվանել էր «իսկական ամերիկյան երազանք»։