10 քայլ դեպի սլացիկ մարմին. նիհարում ենք ճիշտ
14:00 , 4 հուլիս, 2013
1. Օգտագործեք կապույտ սպասք
Կարմիրն ու դեղինը ախորժակ են բացում՝ հանգեցնելով չափից դուրս շատ ուտելուն: Իսկ ահա կապույտ գույնը օգնում է շուտ հագենալ:
2. Նախաճաշին հավկիթ կերեք
Այն մարդիկ, ովքեր նախաճաշին հավկիթ են ուտում, 65%-ով ավելի արագ են նիհարում այն մարդկանցից, ովքեր այլ բան են ուտում:
3. Օգտագործեք խոշոր պարագաներ
Պարզվում է՝ որքան մեծ է պատառաքաղը (գդալը), այնքան փոքր է ռիսկը շատ ուտելու:
4. Անջատեք հեռուստացույցը
Հեռուստացույցի կամ համակարգչի առաջ սնվելիս մենք 40% ավել ենք ուտում:
5. Միանգամից լցրեք ձեր ափսեն
Ապացուցված է, որ եթե միանգամից ափսեի մեջ լցնենք այն ամենը, ինչ պետք է ուտենք, ավելի քիչ կուտենք, քան եթե ուտենք, ապա շտապենք նոր չափաբաժնի հետևից:
6. Հրաժարվեք սոուսներից
Հրաժարվեք կետչուպից և մայոնեզից: Դրանց օգտագործումն օրական հավելյալ 100 կալորիա է տալիս, իսկ եթե հրաժարվեք դրանցից, ապա տարեկան կնիհարեք 4.5 կիլոգրամով:
7. Զբոսնեք
Զբոսանքը նիհարելու հիանալի միջոց է: Բայց այն ավելի արդյունավետ կլինի, եթե կատարվի ուտելուց անմիջապես հետո:
8. Սկսեք աղցանից կամ ջրիկ ճաշից
Բանջարեղենի աղցաններն ու ճաշերը ոչ միայն օգտակար են, այլև օգնում են շուտ հագենալ:
9. Խմեք ուտելուց առաջ
Ուտելուց կես ժամ առաջ կես լիտր ջուր խմելն օգնում է 13%-ով քիչ ուտել:
10. Սնվեք մանկական չափաբաժիններով
Երբ կինոթատրոն եք գնում, առաջին հերթին շտապում եք ադիբուդիի հետևից: Բայց մի շտապեք ընտրել մեծ չափաբաժինները. ընտրեք մանկականը: Ապացուցված է, որ մանկական չափաբաժինները 200-ով ավելի քիչ կալորիա են պարունակում: