Հնարավոր է մի քանի սցենար. Ռուստամ Բադասյանը՝ Նաիրի Հունանյանի դիմումի մասին
19:54 , 23 հոկտեմբեր, 201924news.am-ը գրում է.
Արդարադատության նախարար Ռուստամ Բադասյանն ԱԺ-կառավարություն հարցուպատասխանի ժամանակ՝ անդրադառնալով Նաիրի Հունանյանի պայմանական վաղաժամկետ արձակամն դիմումին նշեց.
«Հնարավոր է մի քանի սցենար: Առաջին սցենարը այն է, որ եթե պրոբացիայի ծառայությունը և քրակատարողական ծառայությունը երկուսն էլ տալիս են դրական եզրակացություն, ապա համապատասխան միջնորդությունը ներկայացվում է դատարան։ Եթե երկու կառույցներից մեկը տալիս է դրական եզրակացություն, մեկը՝ բացասական, ապա դատապարտյալի գրավոր համաձայնությամբ հնարավոր է հարցը քննարկել դատական կարգով։
Երկուսի բացասական եզրակացություն դեպքում հարցի քննարկումը համարվում է մերժված։ Տվյալ դեպքում քրեակատարողական ծառայությունն արդեն իսկ բացասական եզրակացություն է տրվել։ Նկատի ունենալով, որ պրոբացիայի ծառայությունն առաջնորդվելու է նույն չափանիշնրով, կարծում եմ՝ ելքը պարզ է», - ասաց նախարարը։