Դեռևս 600 տարի առաջ թաղված կմախքը գիտնականներին օգնել է վերականգնել միջնադարյան մարդու տեսքը, հայտնում է Sky News-ը:
Մնացորդները հայտնաբերվել են 2015-ին Աբերդինի արվեստի պատկերասրահի վերակառուցման ժամանակ:
Կմախքի և դեմքի վերականգնման տեխնոլոգիաների օգնությամբ մասնագետները կարողացել են ստանալ միջնադարյան մարդու հավաստի պատկերը:
Տղամարդը, որի մնացորդներն օգտագործվել են, եղել է 46 տարեկանից բարձր տարիքի, հասակը՝ 158-167 սմ: Գիտնականները ենթադրում են, որ նա տառապել է հոդերի հիվանդությամբ և ատամների հետ կապված խնդիրներ է ունեցել: