ԱՄՆ-ում ձերբակալել են 13-ամյա աղջկա՝ համադասարանցիներին մատով սպառնալու համար
22:00 , 14 հոկտեմբեր, 2019ԱՄՆ Կանզաս նահանգում 13-ամյա աղջկան հանցագործության մեղադրանք է առաջադրվել՝ մատներն ատրճանակի նման համադասարանցիների ուղղութամբ պահելու համար։ Այս մասին հաղորդում է The Insider-ը։
Վեսթրիջի միջնակարգ դպրոցում մեղադրյալի համադասարանցին հարցրել է նրան, թե դասարանում ում կսպաներ, եթե այդպիսի հնարավորություն ունենար։ Ի պատասխան աղջիկը մատները պահել է ատրճանակի նման և ուղղել չորս աշակերտի կողմ, ապա նաև իր վրա։
Աղջկան դպրոցի տնօրենի աշխատասենյակ են ուղարկել։ Այլ աշխատակիցների հետ խորհրդակցելուց հետո դպրոցական մասնագետը խորհուրդ է տվել նրան ձերբակալել։ Աղջկան ձերբակալել են և մոր մոտ տեղափոխել։