Տեխասցի տղան բանկ է թալանել հարսանիքից մեկ օր առաջ, որպեսզի վճարի մատանիների և հարսանիքի սրահի վարձակալության համար, հաղորդում է տեղի ոստիկանությունը:
Հիթ Բամպուսի հարսնացուն համոզել է իր ապագա ամուսնուն հանձնվել, երբ Facebook-ում տեսել է տեսագրող սարքերի կադրերը, թե ինչպես է նա բանկ թալանում:
Հիթ Բամպուսը զենքով մտել է Citizens State Bank Գրովետոնում և կանխիկ գումար է պահանջել: Այնուհետև նա մեքենայով հեռացել է անտառի ճանապարհով և հայրենի Կրոկետ է վերադարձել:
Բամպուսը պետք է ամուսնանար հաջորդ օրը, սակայն արդեն երեկոյան հարսնացուն տեսել է բանկի տեսախցիկների կադրերը և ստիպել է իր սիրեցյալին հանձնվել: