«Արմավիր» ՔԿՀ-ում դատապարտյալը ցանկացել է օգտվել ընդհանուր զուգարանից. այնտեղից գտել են 4 փաթեթով մարիխուանա
14:11 , 9 հոկտեմբեր, 2019Հոկտեմբերի 8-ին՝ ժամը 23:15-ի սահմաններում, Վաղարշապատի բժշկական կենտրոն տեղափոխված ՀՀ ԱՆ «Արմավիր» քրեակատարողական հիմնարկի դատապարտյալ Ն. Ա.-ն ցանկացել է օգտվել ընդհանուր զուգարանից: Այս մասին հայտնում են ՀՀ ԱՆ քրեակատարողական ծառայության հանրային կապերի բաժնից։
Հիմնարկի պահպանության ապահովման բաժնի աշխատակիցների կողմից, ըստ սահմանված կարգի, զուգարանում նախապես իրականացված զննությամբ պատուհանագոգին հայտնաբերվել է պոլիէթիլենային 4 փաթեթ, որում զետեղված են եղել մարիխուանա տեսակի թմրամիջոցին նմանվող, դեղնականաչավուն թաց և չոր բուսական զանգվածներ՝ ընդհանուր 75.7 գր քաշով:
Վերոնշյալ փաստի առթիվ հաղորդում է ներկայացվել ՀՀ ոստիկանության Արմավիրի մարզային վարչության Վաղարշապատի բաժին: