Էրմիտաժի տնօրեն Միխայիլ Պիոտրովսկիին քիչ առաջ ուղերձ է հղել մեզ՝ արձագանքելով Երևանի ավագանու որոշմանը

Արդեն տեղյակ եք, որ քաղաքապետ Հայկ Մարությանի առաջարկով հռչակավոր արեւելագետ, Սանկտ Պետերբուրգի Էրմիտաժի տնօրեն Միխայիլ Պիոտրովսկիին շնորհվեց Երեւանի պատվավոր քաղաքացու կոչում:

Միխայիլ Բորիսովիչը քիչ առաջ ուղերձ է հղել մեզ՝ արձագանքելով Ավագանու որոշմանը.

«Ես զգացված եմ, երջանիկ եւ շոյված: Սա հսկայական պատիվ է, որը կուրախացներ իմ մայրիկին, հայրիկին ու բոլոր այն հրաշալի երեւանցիներին, որոնց հետ կյանքիս ընթացքում երջանկություն եմ ունեցել շփվելու, բոլոր Ջանփոլադյաններին ու Տեր-Պողոսովներին:

Ես սիրում եմ Կարմիր բլուրի ու Էրեբունու Երեւանը, Ալեքսանդր Թամանյանի ու Մարտիրոս Սարյանի Երեւանը եւ շատ եմ սիրում Երեւանը, որը արդեն չկա՝ Հին բաղնիքի մոտի փողոցները, որտեղ մեր տունն էր, եւ որտեղ այսօր հուշատախակ կա՝ ի պատիվ Բորիս Բորիսովիչ Պիոտրովսկու, ում «հայ ժողովրդի փեսա» էին անվանում:

Շնորհակալ եմ բոլորին իմ անունից եւ հանգուցյալ մորս՝ Հռիփսիմե Ջանփոլադյանի անունից»: