Մելանյա Թրամփին կասկածում են օտար լեզուների չիմացության մեջ

Ամերիկացի լրագրող Ջոն Արավոսիսը հայտարարել է, որ առաջին տիկին Մելանյա Թրամփը, հակառակ վերջինիս պնդմանը, գրեթե «չի տիրապետում օտար լեզուներին», հաղորդում է The Daily Express-ը:

Լրագրողը հիշեցրել է, որ Մելանյան բազմիցս հայտարարել է, որ կատարելապես տիրապետում է ֆրանսերենին, գերմաներենին և իտալերենին։

Սակայն վերլուծելով առաջին տիկնոջ՝ այլ երկրներ կատարած այցերի ընթացքում արված տեսագրությունները՝ Արավոսիսն ընդգծել է, որ ԱՄՆ առաջին տիկինը միշտ խոսում է կա՛մ անգլերեն, կա՛մ մայրենի սլովեներենով։

Մասնավորապես, Ֆրանսիա և Իտալիա կատարած այցերի ժամանակ Մելանյան այդ երկրների լեզուներով ողջույնի մի քանի բառ արտաբերելուց անմիջապես հետո անցել է անգլերենին։ Արավոսիսը պնդել է, որ Մելանյայի լեզուների իմացությունը տարրական մակարդակի վրա է գտնվում: