Հայաստանի ու Վրաստանի միջև ավիափոխադրումներն աճել են 160 տոկոսով


14:14 , 5 հոկտեմբեր, 2019

Panorama.am-ը գրում է.

Ընթացիկ տարվա հունվար-օգոստոսի ամիսներին Հայաստանի ու հարևան Վրաստանի միջև ավիափոխադրումների ծավալն ավելացել է 160 տոկոսով։ Այս մասին գրում է «Գրուզիա օնլայն»-ը՝ վկայակոչելով այդ երկրի Էկոնոմիկայի նախարարությոն Քաղավիացիայի գործակալության մամուլի ծառայությանը։

Նշվում է, որ երկու երկրների կառույցները մտադիր են շարունակել համագործակցությունը։ Դա հաստատվել է Վրաստանի ու Հայաստանի քաղավիացիայի հարցերով զբաղվող մարմինների ղեկավարների՝ Լևան Կարանաձեի ու Տաթևիկ Ռևազյանի՝  Մոնրեալում տեղի ունեցած հանդիպման ժամանակ։ Նրանք նաև համագործակցության հուշագիր են ստորագրել։