Yerkir.am-ը գրում է․
Հայաստանի և Ադրբեջանի արտաքին գործերի նախարարների հետ ձեռք բերված համաձայնությամբ՝ ԵԱՀԿ Մինսկի խմբի համանախագահները ծրագրում են տարածաշրջան այցելել՝ ԼՂ հակամարտության կարգավորման հարցով բանակցությունները շարունակելու համար։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Ժամկետները հստակեցվում են և դրա մասին մենք լրացուցիչ կհայտնենք»,- ասել է նա։
Զախարովան չի պատասխանել ԼՂ հակամարտության կողմերի միջև ուղիղ բանակցությունների մասին հարցին. «Երկրների միջև ուղիղ բանակցությունների մասին կհայտարարեն այդ երկրների ներկայացուցիչները»: