Հնդկաստանը տիեզերք է արձակել սեփական նավիգացիոն համակարգի արբանյակ

Հնդկաստանը տիեզերք է արձակել սեփական նավիգացիոն արբանյակային IRNSS համակարգի արբանյակ: Այս մասին հայտնում է Տիեզերական հետազոտությունների հնդկական կազմակերպությունը:

IRNSS-1A արբանյակն արձակվել է Երևանի ժամանակով ժամը 22.11-ին՝ PSLV-C 22 հրթիռով, Բենգալյան ծոցի կղզում գտնվող Շրիհարիկոտա տիեզերակայանից: 

IRNSS-1A-ն կշռում է 1425 կգ, իսկ թռիչքի առավելագույն բարձրությունը կազմում է 20650 կմ: Արբանյակը կարող է ուղեծրում աշխատել 10 տարի: 

IRNSS համակարգը կազմված կլինի 7 արբանյակներից, որոնք Հնդկաստանի բնակիչներին կմատուցեն նավիգացիոն ծառայություններ: