Ինչը կփոխվի մեր կյանքում արդեն 2069 թվականին. գիտությունը մեծ քայլերով առաջ է շարժվում
22:45 , 25 սեպտեմբեր, 2019Ֆիզիկական առևտուրը կվերանա
Բոլոր գնումները կկատարվեն «էկրանների միջոցով», ի դեպ, ոչ միայն հատուկ մասնագիտացված խանութներից, այլև, օրինակ, շոուների ժամանակ: Դիտում եք որևէ շոու, և դուր է գալիս հերոսուհու զգե՞ստը: 3D տպիչը տպում է նույն զգեստից հենց Ձեր չափերով, իսկ հատուկ դրոնն այն առաքում է Ձեզ:
Խցանումները, ավտովթարները և ճանապարհատրանսպորտային այլ պատահարներն անցյալում կմնան
Փոխարինման կգան ավտոմատիզացված համակարգերը: Ճանապարհները կվերականգնվեն ինքնուրույն՝ դրանցում նախապես տեղակայված բակտերիաների օգնությամբ, և դրանց ծանրաբեռնվածությունը կթեթևանա՝ շնորհիվ տրանսպորտային միջոցների նոր տեսակների:
Քաղաքները ծածկված կլինեն գմբեթանման երևույթներով, իսկ ներսի կլիման կլինի բնակիչների վերահսկողության տակ
Բնակելի համալիրները կկանաչապատվեն այնպիսի բույսերով, որոնք կաճեցվեն հիդրոպոնիկայի օգնությամբ: Յուրաքանչյուր երկնաքեր իր բնակիչներին կտրամադրի իր ներսում աճեցված բանջարեղեն, մրգեր և հացահատիկ:
Միայն մտքի ուժով մենք կկարողանանք ամբողջական վիրտուալ աշխարհներ ստեղծել
Դիզայներական և արտադրական ընկերությունների նոր սերունդներն ու արհեստական բանականությունը թույլ կտան մշակել յուրաքանչյուր սցենար կամ խաղ՝ օգտագործելով միայն մտքեր, այլ ոչ կոդեր:
Այլևս երբեք չեք արտաբերի «վատ գրաֆիկա» կամ «էժանագին սպեցէֆեկտներ» արտահայտությունները
Թվային տեխնոլոգիաները կմոլորեցնեն մեր 5 զգայարաններին, և վիրտուալ աշխարհը չի տարբերվի իրականից: Այս ամենը կկատարվի՝ շնորհիվ նանոտեխնոլոգիաների և նեյրոինտերֆեյսի:
Սոցիալական կապերի ընդլայնումն ու պարզեցումը կմոտեցնի մարդկանց
Հոլոգրաֆիկ ինտերֆեյսները թույլ կտան ոչ միայն կապ հաստատել հեռավորության վրա, այլ նաև, օրինակ, ընկերների հետ գոլֆ խաղալ կամ ձեռք սեղմել: Սոցիալական ցանցերում մարդիկ կշփվեն տելեպատիկորեն, յուրաքանչյուր լեզվով: Ուղեղի իմպլանտները թույլ կտան խոսքի համաժամանակյա թարգմանություն կատարել, ով էլ լինի Ձեր զրուցակիցը:
Բոլորը կմոռանան ունիվերսալ դիետաների մասին
Մաշկում տեղադրված սոնսորային սարքավորումների օգնությամբ մեր սննդակարգը կանհատականացի՝ հաշվի առնելով առողջական վիճակն ու գենետիկան: Սենսորները խորհուրդ կտան մեզ սնվել մեզ համար նախատեսված կարգով։
Կհրաժարվենք մի շարք նախապաշարմունքներից, քանի որ միջատներն ու սինթետիկ սնունդը կդառնան կենդանական սպիտակուցի գլխավոր աղբյուրները
Կենդանիների բուծումը պահանջում է չափազանց շատ հող և ռեսուրսներ: Ապագայում բոլորի սննդակարգում կներառվեն միջատները, և բոլոր խոհանոցներում դրված կլինեն սննդային տպիչներ, որոնք ուտելիք կպատրաստեն:
Գենային ինժեներիան թույլ կտա բարելավել մարդկանց ֆիզիոլոգիան, ռեֆլեքսներն ու զգայական օրգանները
Գիշերային տեսողություն, տոկունություն, գերազանց լսողություն… Հաշմանդամությունը կմնա անցյալում: Շատերը կունենան սուպերկարողություններ: