Կարծես, աստիճանաբար կորցնում ենք զգոնությունն ու ինքնապաշտպանական բնազդները

Այսօր գրեթե բոլոր հայկական ռեյթինգային կայքերն (այդ թվում՝ վարչապետին պատկանող «Հայկական ժամանակը») իրենց պարտքն էին համարել Ադրբեջանի ՊՆ նախարարի հիմար սպառնելիքները թարգմանել ու ակտիվ տարածել: Նախկինում ԶԼՄ-ների նման գործելաոճը համարվում էր մեդիա անգրագիտություն, քննադատվում էր հանրության կողմից, նույնիսկ եղել են դեպքեր, որ ֆլեշմոբեր են արվել ու unlike արել այդ մեդիաների ֆեյսբուքյան էջերը:

Կարծես, աստիճանաբար կորցնում ենք զգոնությունն ու ինքնապաշտպանական բնազդները՝ դառնալով հակահայկական պրոպագանդան տարածողը մեր հասարակության մեջ ու դրա ազդեցությունը մեծացնողը:

Խնդրում եմ, դա չարդարացնեք մեդիա ազատությամբ: Ինֆորմացիոն պատերազմն ունի իր կանոնները: