Մեծ Բրիտանիայի Բրիստոլի համալսարանի գիտնականները պարզել են, որ հղիության ընթացքում պարացետամոլ օգտագործելը կարող է հանգեցնել վեց ամսականից մինչև 11 տարեկան երեխաների վարքի խանգարումների: Այս մասին հաղորդվում է EurekAlert-ի մամլո հաղորդագրության մեջ:
Պարզվել է, որ մայրերի կողմից ցավազրկող դեղամիջոցի օգտագործումը կապված է երեխաների մոտ հիպերակտիվության և ցրված ուշադրության բարձր ռիսկի հետ: Տղաները դեղամիջոցի նկատմամբ ավելի զգայուն են գտնվել, քան աղջիկները: Ավելի ուշ տարիքում բացասական հետևանքներ չեն նկատվում: Նշվում է, որ արդյունքի վրա չեն ազդել արտաքին սոցիալական գործոնները, ինչպես նաև կանանց կողմից պարացետամոլ ընդունելու պատճառները: