Ամերիկյան բժշկական ասոցիացիան կոչ է անում զերծ մնալ էլեկտրոնային ծխախոտից

Ամերիկյան բժշկական ասոցիացիան (ԱԲԱ) կոչ է արել զերծ մնալ էլեկտրոնային ծխախոտի օգտագործումից, հայտնում է «Ամերիկայի ձայնը»:

ԱԲԱ-ի հայտարարության մեջ նշված է. «Երկրում էլեկտրոնային ծխախոտի հետ կապված թոքային հիվանդությունների տարածումն ապացուցում է, որ էլեկտրոնային ծխախոտի օգտագործումը և վեյփինգը համաճարակի բնույթ են ստացել»:

ԱԲԱ-ն ԱՄՆ-ում բժիշկների առավել հայտնի և ազդեցիկ կազմակերպություններից մեկն է: Կազմակերպությունը նախազգուշացրել է, որ շնչառական խնդիրներ, կրծքավանդակում ցավ կամ հազ ունեցող վեյփերները պետք է անմիջապես դիմեն բժշկի: