Մխիթարյանը համաձայնել է աշխատավարձի նվազեցման՝ հանուն խաղաժամանակ ստանալու․ Ռոմայի մարզական տնօրեն
22:50 , 10 սեպտեմբեր, 2019Armsport.am-ը գրում է.
«Ռոմայի» մարզական տնօրեն Ջիանլուկա Պետրակին խոստովանել է, որ իրենք շատ հպարտ են Հայաստանի ազգային հավաքականի կիսապաշտպան Հենրիխ Մխիթարյանին ձեռք բերելու համար․
«Ուրախ ենք ներկայացնել Միքիին։«Ռոմայում» բոլորի անունից կցանկանայի նշել, թե որքան ուրախ և հպարտ ենք համաշխարհային մակարդակի մեկ այլ խաղացողի հետ պայմանագիր կնքելու համար։ Վստահ եմ, որ նրա փորձառությունը, տեխնիկական ունակությունները և ինտելեկտը կբարելավեն մեր կազմի մակարդակը։
Կանենք լավագույնը՝ աջակցելու ֆուտբոլ խաղալու իր ցանկությանն ու ապահովելու նրան մոտիվացիայով, սիրով ու ջերմությամբ, որի կարիքը բոլոր խաղացողներն ունեն։ Կարծում եմ՝ «Ռոմայի» երկրպագուները ցույց կտան իրենց սերն այս խաղացողի հանդեպ»,- ասել է Ջիանլուկա Պետրակին՝ Մխիթարյանին լրագրողներին ներկայացնելուց հետո։
Ամբողջական հոդվածը կարող եք կարդալ այստեղ