Էկլերի ամենահաջողված բաղադրատոմսը, միշտ ընտիր է ստացվում. փորձեք ու կհամոզվեք

Բաղադրիչներ`

• Ջուր՝ 1 բաժակ,
• Աղ՝ մի պտղունց,
• Մարգարին՝ 125 գրամ,
• Ալյուր՝ 1 բաժակ,
• Ձու՝ 6 հատ,

Կրեմի համար

• Կաթ՝ 0,5 լ,
• Ձու՝ 2 հատ,
• Շաքարավազ՝ 1 բաժակ,
• Ալյուր՝ 2 ճաշի գդալ,
• Օսլա՝ 2 ճաշի գդալ,
• Կարագ՝ 200 գրամ,

Գլազուրի համար

• Թթվասեր՝ 2 ճաշի գդալ,
• Շաքարավազ՝ 0,5 բաժակ,
• Կարագ՝ 50 գ,
• Կակաո՝ 2 ճաշի գդալ
  
  

  Պատրաստման եղանակը

  Կաթսայի մեջ լցնել ջուր, ավելացնել աղը, տաքացնել և ավելացնել մարգարինը և եռացնել: Հենց եռա, ավելացնել ալյուրը և անընդհատ խառնելով եփել մոտ 10 րոպե մարմանդ կրակի վրա: Կրակից վերցնել և մեկ-մեկ ավելացնել ձվերը և լավ խառնել:

  Ջեռոցի տապակը յուղապատել, խմորը ջրով թրջած գդալի օգնությամբ կամ խոհարարական պարկով լցնել  տապակի վրա՝  իրարից որոշակի հեռավորության վրա:

  Եփել 180 աստիճանի տակ 40 րոպե: Եփվելու ընթացքում ջեռոցի դուռը չբացել:

  Կրեմը պատրաստեու համար  կաթսայի մեջ լցնել կաթը և տաքացնել, առանձին հարել ձվերը շաքարավազով, ավելացնել ալյուրն ու օսլան և ստացվածը ավելացնել կաթին: Երբ զանգվածը համասեռ դառնա, ավելացնել կարագը, լավ խառնել:

  Գլազուրը պատրաստելու համար կարագը հալեցնել, ավելացնել թթվասերը, շաքարավազը և կակաոն: Անընդհատ խառնել, որպեսզի ստացվի համասեռ զանգված: Երբ էկլերները լիովին սառչեն, լցոնել կրեմով և  վրան գլազուր լցնել: