23:00 , 29 հունիս, 2013
Այսօրվա մամուլի ասուլիսում հանրահայտ ֆրանսիացի դերասան և ՌԴ քաղաքացի Ժերար Դեպարդյեն ասել է, որ Ռուսաստանը Վլադիմիր Պուտինի նման առաջնորդի կարիք ունի: «Ես Պուտինի հետ ընկերներական հարաբերություններ ունեմ, ինքը շատ ուժեղ անձնավորություն է, հենց այդպիսի առաջնորդ է անհրաժեշտ Ռուսաստանին», – ասել է դերասանը «Ռասպուտին» ֆիլմի ցուցադրությունից հետո: Նշենք, որ Դեպարդյեն կինոնկարում խաղում է գլխավոր դերը:
Նա խոստովանել է, որ Պուտինը կարդացել է ֆիլմի սցենարը և հավանություն տվել դրան: