Հարավային Օսիան իր անցակետը կտեղակայի Վրաստանի հետ սահմանին
13:40 , 5 սեպտեմբեր, 2019Հարավային Օսիայի սահմանապահները մտադիր են անցակետ կառուցել Վրաստանի հետ սահմանին գտնվող Ցնելիս գյուղի մերձակայքում: Այս մասին հաղորդել է «ՌԻԱ Նովոստին»՝ հղում անելով հանրապետության պետական անվտանգության կոմիտեին:
Ինչպես նշվում է, նման որոշում է կայացվել, որպեսզի վրացական կողմին թույլ չտան վերահսկողություն հաստատել Հարավային Օսիայի մի մասի վրա:
Հստակեցվում է, որ սահմանային անցակետը տեղակայվելու է Հարավային Օսիայի Հանրապետության և Վրաստանի սահմանային գծում՝ շուրջ 945 մետր բարձրության վրա:
Ինչպես շեշտվում է, անցակետի կառուցումն իրականացվում է մարդասիրական օպերացիայի շրջանակում, որի նպատակը սահմանային ռեժիմի պահպանումն ու հանրապետության քաղաքացիների անվտանգության ապահովումն է:
Ավելի վաղ Հարավային Օսիան Վրաստանին մեղադրել էր սահմանին իրավիճակի աննախադեպ սրման համար: