Փաշինյանի խոսնակի հայտարարությունը ցույց է տալիս իշխանությունների մեծամտության աստիճանը
14:10 , 5 սեպտեմբեր, 2019Վարչապետի խոսնակ Վլադիմիր Կարապետյանն, անդրադառնալով «թեժ աշնան» մասին խոսակցություններին, նշել է, թե ընդդիմությունը 20 հոգուց ավելի մարդ չի կարողանում հավաքել, քանի որ աջակիցներ չունի:
Խոսնակի այս հայտարարությունը ցույց է տալիս իշխանությունների մեծամտության աստիճանը: Իրենց թվում է, թե իրենք միշտ բարձր վարկանիշ են ունենալու, իսկ ընդդիմությունը որևէ վտանգ չի ներկայացնելու իրենց համար: Սակայն մի օր իրավիճակն այնպիսի շրջադարձ կունենա, որ իրենք էլ չեն հասկանա, թե ինչպես եղավ, որ իրենք իշխանությունը կորցնելու եզրին են կանգնած:
Ներկա իշխանությունները նույնիսկ ցանկություն չունեն դասեր քաղելու անցյալից, որ ավելորդ ինքնավստահությունը հանգեցնում է իշխանության դեգրադացիային: