Նելսոն Մանդելայի կտակը A4 թղթի վրա է տեղավորվել. նա խնդրում է հուղարկավորել իրեն իր նախնիների հողում
15:49 , 29 հունիս, 2013Նելսեն Մանդելան կտակ է գրել, որը տեղավորվել է A4 ֆորմատի թղթի մեկ էջի վրա: Դրանում նա մասնավորապես խնդրում է, որ իր մահանալուց հետո իրեն հուղարկավորեն իր նախնիների հողում՝ հեռավոր ու լեռնոտ Քունու տեղանքում:
ՀԱՀ 94-ամյա նախկին նախագահը շարունակում է գտնվել կայուն կրիտիկական վիճակում՝ Պրետորիայի հիվանդանոցում, որտեղ նա արդեն 21 օր է բուժում է անցնում թոքերի բորբոքումից:
Դեռ 1996 թվականին, երբ նա դեռ նախագահ էր, նա կազմել էր կտակ, որտեղ խնդրում էր, որ իր մահանալու դեպքում իրեն հուղարկավորեն Արևելյան ծովածոցի մոտ գտնվող իր գյուղի մոտ և համեստ թաղման արարողություն կազմակերպել:
Նա հայտարարել է, որ թեև ինքը շատ երջանիկ կլիներ, որպեսզի բուն հուղարկավորության արարողությունը կայանար Պրետորիայում, բայց ուզում է, որ իր աճյունը հողին հանձնեն իր ընտանեկան գերեզմանոցում, իսկ նրա գերեզմանի վրա դրվի մի պարզ ու անշուք գերեզմանաքար:
«The South African Mail» և «Guardian» թերթերը հաղորդում են, որ մանդելայի ընտանիքի վաղեմի ընկերն ասել է. «Նա երբեք շատ չի մտածել մահանալու մասին, բայց նա երբեք չի ուզեցել, որ իր հուղարկավորությունը ճոխ լինի»:
Չնայած նրան, որ Մանդելան դարձավ միլիոնատեր իր «Երկար ճանապարհ դեպի ազատություն» գրքի շնորհիվ, նրա ողջ կտակը տեղավորվել է մեկ էջի վրա:
Մանդելայի հարազատ գյուղը 
Համաձայն ՀԱՀ ազգային հեռարձակող SABC-ի` Մանդելայի հուղարկավորության վայրի հարցը բերել է կոնֆլիկտի՝ նրա ընտանիքում: Մանդելայի ավագ դուստրը՝ Մակազիվեն, և Մանդելայի ընտանիքի 15 այլ անդամներ դիմել են դատարան՝ պահանջելով, որպեսզի Մանդելայի թոռը վերադարձնի Մանդելայի երեխաներից երեքի աճյունները Քունու գյուղում գտնվող իրենց գերեզմանոցները:
Մանդելայի թոռը՝ Մանդլա Մանդելան, էքսգումացիա էր կատաերել և տեղափոխել էր Մանդելայի մահացած երեք երեխաների աճյունները Քունուից 13 մղոն հեռավորության վրա գտնվող Մվեզո գյուղը, որտեղ նա պլանավորում է Մանդելաների անվան վանք կառուցել, ինչպես նաև հյուրանոց ու մարզադաշտ:
Նելսոն Մանեդելան թոշակի անցնելուց հետո իր համար տուն կառուցեց իր նախնյաց Քունու գյուղում և այնտեղ էր բնակվում, մինչև ստիպված եղավ պարբերաբար հիվանդանոոցում բուժում ստանալ՝ անցած տարեվերջից:
Ապարտեիդի դեմ պայքարի առաջնորդը 2005 թվականին ներկա էր իր որդու հուղարկավորությանը՝ Քունու գյուղում, և ոչ ոքի համար նորություն չէր, որ Մանդելան ինքն էլ կուզի այնտեղ թաղվել: Սակայն Մանդելայի ավագ թոռը ինքնակամ էքսգումացիա իրականացրեց և Մանդելայի երեք զավակների աճյունները տեղափոխեց Մվեզո գյուղ, որը հանդիսանում է Նելսոն Մանդելայի ծննդավայրը, և որի գյուղապետը հենց նույն թոռն է:
Այսօր ԱՄՆ նախագահ Բարաք Օբաման և նրա առաջին տիկին Միշել Օբաման պետք է հանդիպեն Մանդելայի ընտանիքի անդամներին, բայց չեն այցելի Նելսոն Մանդելային, ով անգիտակից վիճակում գտնվում է հիվանդանոցում:
Սպիտակ Տան պաշտոնական հայտարարությունում ասվում է. «Հարգելով Նելսոն Մանդելայի հանգիստը, ինչպես նաև նրա ընտանիքի անդամների ցանկությունը` նախագահն ու նրա տիկինը չեն այցելի հիվանդանոց»:
Մանդելայի նախկին կինը երեկ հաղորդել է լրագրողներին, որ Նելսոն Մանդելայի առողջական վիճակում որոշակի առաջընթաց կա:
«Ես բժիշկ չեմ, բայց ես կարող եմ ասել, որ կա էական փոփոխություն նրա առողջական վիճակում, եթե համեմատենք այն վիճակի հետ, որ մի քանի օր առաջ էր: Խնդրում եմ մեդիաների ներկայացուցիչներին հասկանալ պահի լրջությունը, ինչպես նաև նրա ընտանիքի զգացմունքները», – ասել է տիկին Մեդիկիզելա-Մանդելան: