Միչիգանը դարձել է ԱՄՆ առաջին նահանգը, որն արգելել է անուշահոտ էլեկտրոնային ծխախոտի օգտագործումը՝ հայտնում է The Washington Post-ը։
Միչիգանի նահանգապետ Գրեթհեն Ուիթմերի խոսքով՝ այս միջոցը անհրաժեշտ է երիտասարդ սերնդին գոլորշու վնասակար հետևանքներից պաշտպանելու համար։
Արգելքը տարածվում է վեյփ արտադրանքների վրա, որոնք օգտագործում են քաղցր և մրգային բույրեր, ինչպես նաև անանուխ և մենթոլ: Այն չի տարածվում ծխախոտի համով էլեկտրոնային ծխախոտի վրա:
Արգելվում է նաև օգտագործել «մաքուր», «անվտանգ» և «առողջ» բառեր գոլորշիանման արտադրանքի նկարագրության մեջ, քանի որ դրանք կարող են մոլորեցնող լինել:
Արգելքը վերաբերում է ինչպես մանրածախ, այնպես էլ առցանց վաճառքին, այն ուժի մեջ կլինի վեց ամսից և կարող է երկարաձգվել ևս վեց ամսով։