Ֆերշտապենը Բելգիայում անհաջող մեկնարկը կապել է շարժիչի աշխատանքի հետ
16:00 , 3 սեպտեմբեր, 2019Armsport.am-ը գրում է.
«Ռեդ Բուլի» ավտոարշավորդ Մաքս Ֆերշտապենը մեկնաբանել է Բելգիայի Գրան Պրիի արդյունքը: Հոլանդացու համար մրցարշավն անհաջող է դասավորվել, արդեն մեկնարկի ժամանակ նա բախվել է «Ալֆա Ռոմեոյի» արշավորդ Կիմի Ռայկոնենին։ Բացի այդ, մարզիկը դանդաղ է մեկնարկել, ինչի պատճառով կորցրել է մի քանի դիրք։
«Մենք ունենք մեկնարկի որոշակի ընթացակարգ, որը պետք է կատարել առավելագույնս հստակ։ Ես դա անում եմ արդեն չորս տարի «Ռեդ Բուլում»։ Բայց այս մրցաշրջանում մենք խնդիրներ ունենք։ Կան որոշակի տարբերություններ շարժիչների մեջ:
Հետևաբար, միշտ առեղծված է, ամեն ինչ նորմալ է, թե ոչ: Այս տարի մի քանի անգամ խնդիրներ են եղել, մենք հասկանում ենք, որ պետք է աշխատել դրա վրա», - Ֆերստապենի խոսքը մեջբերում է մարզիկի կայքը: