Լրատվամիջոցները պատմել են արքայազն Ուիլյամի միապետության համար ունեցած վախի մասին՝ եղբոր պահվածքի պատճառով

Արքայազն Ուիլյամը, որը մի օր կբարձրանա բրիտանական գահին, կարող է վախենալ միապետության համար՝ արքայազն Հարիի և նրա կնոջ՝ Մեգան Մարքլի պահվածքի պատճառով, գրում է The Daily Express-ը:

Նշվում է, որ Ուիլյամը, որպես ավագ եղբայր, պետք է պաշտպաներ Հարիին, բայց դրա փոխարեն նա հայտնել է իր աճող անհանգստության մասին՝ իր հարազատի պահվածքի պատճառով: Արքայազն Հարին և նրա կինը բազմիցս քննադատվել են արքայական արարողակարգը խախտելու և այնպիսի բաների համար, որոնք նրանք ոչ այնքան ավանդաբար են անում, որքան արքայական ընտանիքի մյուս անդամները: Ըստ այս ոլորտի փորձագետի, Սասեքսի դքսի և դքսուհու արքայական ավանդույթներից հեռու մնալու փորձերը կարող են անհանգստացնել նրա եղբորը: Ընդգծվում է, որ նրանց պահվածքը կարող է բացասական հետևանքներ ունենալ ամբողջ միապետության համար:

Պարբերականը հիշեցնում է, որ 11 օրվա ընթացքում արքայազն Հարին և Մեգան Մարքլը չորս չվերթ են կատարել մասնավոր ինքնաթիռներով՝ չնայած կլիմայի փոփոխության դեմ պայքարելու անհրաժեշտության մասին արված հայտարարություններին: Բացի այդ, նրանք քննադատվում են գաղտնիության բարձրացման համար, օրինակ՝ որդու մկրտության դեպքում: