Երևանում հասարակական տրանսպորտի խնդիրը շարունակում է ճգնաժամային մնալ

Կրկին փաստում ենք, որ Երևանի քաղաքային տրանսպորտի անհաղթահարելի թվացող խնդիրներին չեն տրվում ցանկալի լուծումներ։
Գերծանրաբեռնված երթուղայիններ, մաշված ու սակավ տրանսպորտային պարկ, կանգառներում չկառավարվող հերթեր, ոչ բավարար վճարվող վարորդական անձնակազմ և էլի շատ խնդիրներ, որոնք պատուհաս են դարձել երևանցիներիս համար։
Անհրաժեշտ են համակարգային լուծումներ, որտեղ կդասարակգվեն խնդիրների առաջնահերթություններն ու կներկայացվեն դրանց կանոնակարգման մեխանիզմները։
Երևանցին չի կարող օգտվել հակահիգիենիկ և անմարդկային փոխադրման պայմաններից։
Կլինի միջազգային փորձի ուսումնասիություն ու դրա տեղայնացում, թե կիրականացվեն մասնագիտական նոր դիտարկումներ, և դրա հիման վրա կլուծվի խնդիրը, անկեղծ ասած, երևանցիներին դա չի, որ հետաքրքրում է։
Երևանցուն չպետք է պարբերաբար ներկայացվեն հարցի լուծման տարատեսակ մեխանիզմներն ու պրեզենտացիաները։
Վստահ եմ, որ քաղաքային տրանսպորտի ենթակառուցվածքների (մետրո, ավտոբուսներ, երթուղայիններ) ծանրաբեռնվածության հավասարակշռման ու նոր տնտեսվարողների ներգրավման արդյունքում նաև հնարավոր է խնդրին համակարգային լուծումներ տալ։
Երևանցին ցանկանում է երթևեկել արժանապատիվ։