Երևի պետք է ուրախ լինենք, որ հանրության ուշադրությունը շեղելու համար զորամասերի համարներն ու զինվորականների տվյալները չի հրապարակել

Փաշինյանի քաղաքացու հետ զրույցը Ամուլսարի մասին չընկալվեց նույնիսկ սեփական թիմակիցների ու գուցե հենց իր կողմից: Ու նա փորձելով կոծկել կամ մոռացության տալ չհաջողված թեման, ֆեյսբուքյան իր էջում դրանից հետո իրար հետևելով մի քանի գրառում կատարեց՝ կարծելով որ այդպես կշեղի հանրության ուշադրությունը: Չստացվեց:

Ասեմ ավելին, վարչապետն արդեն այն աստիճան է կորցրել իրականության հետ կապը, որ հրապարակեց Հայոց բանակի զինծառայողների ամսական աշխատավարձերի բարձրացման կոնկրետ ցուցանիշները հստակ թվերով:

Հարգելի «ժողովրդի վարչապե՛տ», հիշեցման կարգով ասեմ որ Ռազմական բյուջեի ծախսերը, այդ թվում զիվորականների աշխատավարձերի չափը պետական գաղտնիք է։ 
Տարրական մաթեմատիկան հուշում է որ վարչապետի թեթև ձեռքով արված գրառումից հետո կարելի է իմանալ թե զինվորականներից ով որքան աշխատավարձ է ստանում։

Երևի պետք է ուրախ լինենք, որ զորամասերի համարներն ու զինվորականների անուն ազգանունները չէր հրապարակել: