Կիրա Նայթլին հանդես կգա «Մեկ այլ մեքենագրուհի» վեպի էկրանավորման մեջ

The Hollywood Reporter օնլայն ռեսուրսի հաղորդմամբ՝ Կիրա Նայթլին ևս կմիանա Fox ստուդիայի պատմական նախագծին՝ Սյուզան Ռինդելի «Մեկ այլ մեքենագրուհի» վեպի էկրանավորմանը: 

Նայթլին ոչ միայն կխաղա ֆիլմում, այլև կդառնա դրա պրոդյուսերներից մեկը: 

Սյուզան Ռինդելի գիրքը պատմում է ոստիկանական տեղամասում աշխատող միայնակ սղագրուհու մասին: Այնտեղ էլ նա ծանոթնում է գեղեցիկ ու խորհրդավոր գործընկերուհու հետ, որը նրան ներքաշում է 1920-ականների Նյու Յորքի գլամուր ու արգելված ընդհատակյա կյանք: