Բոլորս էլ քյաբաբը սիրում և ընդունում ենք հյութեղ մսի, հեշտ պատրաստվելու և անկրկնելի բույրի համար։ Սակայն ինչ անել, եթե չկա կրակի և մանղալի հնարավորություն։ Այս դեպքում օգնության է հասնում թավա–քյաբաբը, որի մի հետաքրքիր բաղադրատոմս էլ այսօր առաջարկում Ձեզ։
Անհրաժեշտ բաղադրիչներ
- Ալյուր – 300 գր.
- Սոխ – 1 հատ
- Կաթ – 100 մլ
- Աղ – 1 թ.գ.
- Սամիթ – ըստ ճաշակի
- Խոզի խճողակ – 700 գր.
- Կարագ – 125 գր.
- Խմորիչ – 0.5 թ.գ.
- Սև պղպեղ – 0.5 թ.գ.
- Մաղադանոս – ըստ ճաշակի
Պատրաստման եղանակը
1. Թասիկի մեջ խառնեք չոր խմորիչը, կաթն ու 2 ճ.գ. ալյուրը։
2. Ալյուրը ձեռքերով խառնեք կարագի հետ, որ մանր փշուրներ ստացվեն։ Ավելացրեք խմորիչով խառնուրդը և խմոր հունցեք։ Թողեք խմորը հասունանա մի որոշ ժամանակ։
3. Խոզի աղացած մսին սոխ ավելավրեք, մաղադանոս և սամիթ։ Աղ ու պղպեղ արեք։ Կոտլետներ ձևավորեք։
4. Խմորը բարակ բացեք և շերտերով կտրատեք։ Ամեն մի կոտլետը փաթաթեք խմորի ժապավենով։
5. Ջեռոցի տապակի վրա յուղաթուղթ փռեք, դրեք քյաբաբները և վրան հարած դեղնուց քսեք։ Եփեք 200 աստիճան տաքացված ջեռոցում մոտ կես ժամ։