Ամերիկացի ռեփեր A$AP Rocky-ն, իսկական անուն Ռաքիմ Մայերս, մեղավոր է ճանաչվել Ստոկհոլմում տեղի ունեցած կռվի ժամանակ հարձակման համար և դատապարտվել է պայմանական պատժաժամկետի, հաղորդում է BBC-ն:
30-ամյա երիտասարդը հունիսի վերջին ներգրավվել է Շվեդիայի մայրաքաղաքում տեղի ունեցած ծեծկռտուքի մեջ:
Նա գրեթե մեկ ամիս է անցկացրել կալանավայրում, ինչից հետո ազատ է արձակվել մինչև դատավճռի հրապարակումը:
Այս գործով մեղավոր են ճանաչվել նաև A$AP Rocky-ի շրջապատից Bladimir Corniel-ը և David Rispers-ը:
«Հարձակումն այնքան լուրջ բնույթ չէր կրում, որը բանտարկություն էր պահանջում,- ասվում է դատարանի հայտարարությունում:- Ուստի մեղադրյալները դատապարվում են պայմանական պատժաժամկետների»:
ԱՄՆ նախագահ Դոնալդ Թրամփը Շվեդիայի իշխանություններին մի քանի անգամ կոչ է արել ազատ արձակել A$AP Rocky-ն: Առաջին անգամ նա դիմել է Շվեդիայի վարչապետ Ստեֆան Լեվենին՝ առաջարկելով անձամբ երաշխավորել ամերիկացի կատարողի համար: