Սիրահարների համբույրը կամրջի վրա ճակատագրական է դարձել


14:20 , 9 օգոստոս, 2019

Պերուի Կուսկո քաղաքում սիրահարները կանգ են առել կամրջի վրա համբուրվելու համար: Զույգի համար այդ համբույրը ճակատագրական է դարձել: Միջադեպը նկարահանվել է հսկողության տեսախցիկներով, գրում է Metro-ն:

34-ամյա Մեյբեթ Էսփինոսը և 36-ամյա Հեկտոր Վիդալը վերադառնում էին գիշերային ակումբից, երբ կանգ առան կամրջի վրա՝ համբուրվելու համար: Կինը բարձրացել է կամրջի վանդակապատի վրա և ոտքերով գրկել սիրելիին: Ինչ-որ պահի նա կորցրել է հավասարակշռությունը և սկսել է ընկնել՝ հետը տանելով նաև ընկերոջը:

Արդյունքում, Էսփինոսը տեղում մահացել է, իսկ Վիդալը մահացել է ավելի ուշ, հիվանդանոցում: Նա գանգի կոտրվածքներ է ստացել:

Նրանք երկուսն էլ ալպինիստներ էին և տեղափոխվել էին պերուական քաղաք որպես հրահանգիչներ աշխատելու նպատակով: