Գործով ապացույցները վկայում են, որ նման դեպք նույնիսկ չի եղել, գոյություն չունեցող մեղադրանք է, ՀՔԾ-ն մոլորության մեջ է. Գեղամ Պետրոսյանի փաստաբան

Aysor.am-ը գրում է.

Հատուկ քննչական ծառայությունում քննվող Մարտի 1-ի գործով սպանության համար մեղադրվող ոստիկանության զորքերի շտաբի նախկին պետ Գեղամ Պետրոսյանի փաստաբան Վաղարշակ Գևորգյանը սպասում է, որ իր պաշտպանյալին ազատ արձակելուց հետո, ՀՔԾ-ն կդադարեցնի քրեական հետապնդումը։

«Նախաքննական մարմնից ակնկալում եմ, որ խափանման միջոցը փոխելուց հետո պետք է որ ապացույցների բավարար համակցություն լինի, որի հիման վրա Գեղամ Պետրոսյանի նկատմամբ քրեական հետապնդումը սպանության մեղադրանքով դադարեցվի։ Ուրիշ ակնկալիք չունեմ», - Aysor.am-ի թղթակցի հետ զրույցում ասաց փաստաբան Գևորգյանը։

Հիշեցնենք՝ Մարտի 1-ի քրեական գործի շրջանակներում ոստիկանության շտաբի նախկին պետ Գեղամ Պետրոսյանին մեղադրանք էր առաջադրվել Քրեական օրենսգրքի 104-րդ հոդվածի 1-ին մասի հատկանիշներով` սպանություն, և դատարանի որոշմամբ նա կալանավորվել էր:

Փաստաբանը պնդում է, որ առաջադրված մեղադրանքի հետ Գեղամ Պետրոսյանը որևէ առնչություն չունի։ Ավելին, նրա խոսքով, նման դեպք նույնիսկ չի եղել։

Ամբողջական հոդվածը կարող եք կարդալ այստեղ