Գլենդել քաղաքում կկառուցվի Հայ-ամերիկյան թանգարան
14:45 , 31 հուլիս, 2019Armenpress.am-ը գրում է.
Կալիֆոռնիայի նահանգի Գլենդել քաղաքում կկառուցվի Հայ-ամերիկյան թանգարան:
Այս մասին «Արմենպրես»-ի մամուլի սրահում հրավիրված ասուլիսում նշեց Լոս Անջելեսի մարզի ներկայացուցիչ Քաթրին Բարգրը:
«Արդեն նվիրաբերություններ կան, Լոս Անջելեսի մարզի կողմից նվիրաբերվել է 1 մլն դոլար, իսկ Կալիֆոռնիայի նահանգի կողմից 5 մլն դոլար՝ ուղղված թանգարանի ծախսերին: Հույս ունեմ, որ այն շատ հաջող նախագիծ կլինի բոլորի համար»,-ասաց Քաթրին Բարգրը:
ԱՄՆ արևմտյան շրջանի Հայ դատի հանձնախմբի ատենապետուհի Նորա Հովսեփյանը տեղեկացրեց, որ հիմա հանգանակության փուլն է: Առաջիկայում կսկսվեն շինարարական աշխատանքները: Նա հույս հայտնեց, որ թանգարանը պատրաստ կլինի առաջիկա հինգ տարում: