Նապոլի և Աթլետիկո. Ո՞ր տարբերակն է ավելի հավանական Խամեսի համար
12:40 , 18 հուլիս, 2019Armsport.am-ը գրում է․
Մադրիդի «Ռեալի» կիսապաշտպան Խամես Ռոդրիգեսը ամառային տրանսֆերային պատուհանի ընթացքում հեռանալու է ակումբից: 27-ամյա կոլումբիացու կարիերայի շարունակության երկու հավանական տարբերակ է թվում: Խոսքը իտալական «Նապոլիի» և իսպանական «Աթլետիկոյի» մասին է:
Ինչպես տեղեկացնում է իտալացի լրագրող, տրանսֆերային փորձագետ Ջանլուկա դի Մարցիոն, ավելի հավանական է թվում Խամեսի տեղափոխությունը Մադրիդի «Աթլետիկո»:
«Ռեալը» մտադիր է 50 միլիոն եվրոյի դիմաց վաճառել Խամեսին «Աթլետիկո»:
Ավելի վաղ «Նապոլիի» գլխավոր մարզիչ Կառլո Անչելոտին հրապարակայնորեն հայտարարել էր, որ կցանկանար տեսնել Խամեսին իր թիմում: Աուրելիո Դե Լաուրենտիսը՝ «Նապոլիի» նախագահը հայտնել էր, որ տրանսֆերին խանգարում է «Ռեալը»:
Ամառային տրանսֆերային պատուհանի ընթացքում «Աթլետիկոն» ձեռք է բերել «Ռեալի» մեկ այլ ֆուտբոլիստի՝ Մարկոս Լյորենտեին: